സാന്റിയാഗോ എയർലൈൻസ് ഫ്ലൈറ്റ് നമ്പർ 513 1954 സെപ്റ്റംബർ 04 ന് പശ്ചിമ ജർമ്മനിയിലെ ആച്ചെൻ വിമാനത്താവളത്തിൽ നിന്ന് പറന്നുയര്‍ന്നു. 88 യാത്രക്കാരുമായും നാല് ക്രൂ അംഗങ്ങളുമായും പറന്നുയർന്ന വിമാനം 18 മണിക്കൂറിനുശേഷം ബ്രസീലിലെ പോർട്ടോ അലെഗ്രെ വിമാനത്താവളത്തിൽ ഇറങ്ങാനിരുന്നെങ്കിലും ഇടക്ക് വെച്ച് വിമാനം അപ്രത്യക്ഷമായി.
വിമാനത്തിന് എടിസിയുമായുള്ള (എയർ ട്രാഫിക് കൺട്രോൾ) ബന്ധം നഷ്ടപ്പെട്ടു. എല്ലാ ശ്രമങ്ങളും നടത്തിയിട്ടും വിമാനം എടിസിയുമായി ബന്ധപ്പെടാൻ കഴിഞ്ഞില്ല. അതിനുശേഷം ജർമ്മനിയിലെയും ബ്രസീലിലെയും സർക്കാരുകൾ വിമാനം കണ്ടെത്താൻ എല്ലാ ശ്രമങ്ങളും നടത്തിയെങ്കിലും എല്ലാം വെറുതെയായി. അതിനുശേഷം വിമാനം അറ്റ്ലാന്റിക് സമുദ്രത്തിൽ പതിക്കുകയും വിമാനത്തിലെ എല്ലാ യാത്രക്കാരും അതിൽ മരിക്കുകയും ചെയ്തുവെന്ന് ഇരു രാജ്യങ്ങളിലെയും സർക്കാരുകൾ പ്രക്യാപിച്ചു. വിമാനം അറ്റ്ലാന്റിക് സമുദ്രത്തിൽ പതിച്ചതായും വിമാനത്തിലുണ്ടായിരുന്ന 92 പേരും കൊല്ലപ്പെട്ടതായും സെർച്ച് ആൻഡ് റെസ്ക്യൂ ടീം റിപ്പോർട്ട് സമർപ്പിച്ചു.
1989 ഒക്ടോബർ 12 ന് പോർട്ടോ അലെഗ്രെ വിമാനത്താവളത്തിന്റെ എയർ ട്രാഫിക് കൺട്രോൾ എടിസിയുടെ സ്ക്രീനിൽ ഒരു അജ്ഞാത വിമാനം പ്രത്യക്ഷപ്പെട്ടു. വിമാനത്തിന്റെ പൈലറ്റുമായി ബന്ധപ്പെടാൻ എടിസി ശ്രമിച്ചെങ്കിലും വിമാനത്തിന്റെ പൈലറ്റിൽ നിന്ന് പ്രതികരണമൊന്നും ലഭിച്ചില്ല. ഈ വിമാനം അതിവേഗം വിമാനത്താവളത്തിലേക്ക് ലാന്‍ഡ്‌ ചെയ്യാന്‍ നീങ്ങുകയായിരുന്നു. വിമാനത്താവളത്തിന്റെ റൺവേയിലേക്ക് വിമാനം വരാൻ തുടങ്ങിയപ്പോൾ എയർപോർട്ട് അധികൃതർക്കിടയിൽ ഒരു കോളിളക്കമുണ്ടായി.
അനുവാദമില്ലാതെ ഒരു അജ്ഞാത വിമാനം വിമാനത്താവളത്തിൽ വന്നിറങ്ങിയത് കണ്ട് എയർപോർട്ട് അധികൃതർ അത്ഭുതപ്പെട്ടു. അതിനുശേഷം എല്ലാ എയർപോർട്ട് ജീവനക്കാരും വിമാനത്തിൽ എത്തി, വിമാനം പഴയത് ആണെന്നും വിമാനത്തിന്റെ എഞ്ചിൻ ഇപ്പോഴും ഓണാണെന്നും കണ്ടു.
വിമാനത്താവളത്തിലെ ജീവനക്കാർ വിമാനത്തിന്റെ മുകൾ ഭാഗത്തെ വിമാനക്കമ്പനിയുടെ പേര് ശ്രദ്ധയിൽപ്പെട്ടയുടനെ അവര്‍ അന്വേഷണം ആരംഭിച്ചു. 35 വർഷം മുമ്പ് അറ്റ്ലാന്റിക് സമുദ്രത്തിൽ അപ്രത്യക്ഷമായ വിമാനം അതേ സാന്റിയാഗോ എയർലൈൻസിന്റേതാണെന്ന് സ്ഥിതികരിച്ചു. ഇത് കണ്ട് എയർപോർട്ട് അധികൃതർ പരിഭ്രാന്തരായി. അപകടം നടന്ന് രണ്ട് വർഷത്തിന് ശേഷം 1956 ൽ ഈ വിമാനക്കമ്പനി അടച്ചിരുന്നു.
വിമാനത്തിനുള്ളിൽ സ്റ്റാഫ് എത്തിയയുടനെ ഉള്ളിലെ കാഴ്ച കണ്ടപ്പോൾ ഞെട്ടിപ്പോയി. മനുഷ്യന്റെ അസ്ഥികൂടങ്ങൾ വിമാനത്തിന്റെ സീറ്റുകളിൽ ഇരിക്കുന്നു അവർ സീറ്റ് ബെൽറ്റും ധരിച്ചിരുന്നു. അതിനുശേഷം മറ്റ് ചില ഉദ്യോഗസ്ഥരെ വിമാനത്തിനുള്ളിൽ കയറിയപ്പോള്‍ സമാനമായ ഒരു കാഴ്ച അവർ കണ്ടു. വിമാനത്തിന്റെ കോക്ക്പിറ്റിന്റെ വാതിൽ തുറന്നപ്പോള്‍ അതിശയകരമായ കാഴ്ച കണ്ടു. വിമാനത്തിന്റെ രണ്ട് പൈലറ്റുമാരും അസ്ഥികൂടങ്ങളായിരുന്നു. ഒരാള്‍ വിമാനത്തിന്റെ ഹാൻഡിൽ പിടിച്ചിരുന്നു.
ഈ വിമാനം ലാൻഡിംഗിന്റെ കഥ ആദ്യമായി പ്രസിദ്ധീകരിച്ചത് 1989 നവംബർ 14 ന് വീക്ക്ലി വേൾഡ് ടാബ്ലോയിഡ് മാസികയിലാണ്. ഈ കഥ പ്രസിദ്ധീകരിച്ച പത്രപ്രവർത്തകൻ ഇർവിൻ ഫിഷറായിരുന്നു. ഇർവിൻ ഫിഷർ ഈ കഥ പ്രസിദ്ധീകരിച്ചപ്പോൾ ബ്രസീൽ സർക്കാർ ഇതിനെക്കുറിച്ച് ഒരു വിവരവും നൽകാത്തതിനാൽ പലരും ഇത് ശരിയാണെന്ന് അംഗീകരിക്കാൻ വിസമ്മതിച്ചു. പക്ഷേ ആളുകൾ ഭയപ്പെടാതിരിക്കാൻ ഈ നിഗൂഡമായ വിമാന ലാൻഡിംഗിന്റെ കഥ സർക്കാർ ആരോടും പറഞ്ഞില്ലെന്ന് വിശ്വസിക്കപ്പെടുന്നു. എന്നാൽ ഇന്നുവരെ ആർക്കും സത്യം അറിയാൻ കഴിഞ്ഞിട്ടില്ല.
